Kthimi i Produkteve – E Drejta e Tërheqjes

1. Afati ligjor

• Konsumatori ka të drejtë të tërhiqet nga kontrata (të kthejë produktin e blerë online ose nëpërmjet telefonit) brenda 14 ditëve kalendarike, pa dhënë arsye dhe pa kosto shtesë.

• Afati 14-ditor fillon nga:

  • dita kur konsumatori ose një person i autorizuar nga ai merr fizikisht produktin;

  • në rast të porosive me disa produkte të ndara, nga dita kur merret artikulli i fundit.

2. Gjendja e produktit

• Produkti duhet të kthehet në gjendje të papërdorur, të paprishur dhe me paketimin origjinal.

• Nëse konsumatori e ka përdorur ose dëmtuar produktin përtej kontrollit normal (p.sh. testimit bazik), shitësi ka të drejtë të kërkojë kompensim deri në 50% të vlerës ose të refuzojë kthimin.

3. Procedura e kthimit

• Konsumatori duhet të njoftojë shitësin për vendimin për t’u tërhequr, përmes email-it, telefonit ose formularit të kthimit.

• Pas miratimit nga shitësi, produkti duhet të kthehet fizikisht në adresën e treguar.

• Shitësi është i detyruar të rimbursojë pagesën (përfshirë kostot bazë të transportit) brenda 14 ditëve nga marrja e njoftimit të konsumatorit, por ka të drejtë ta vonojë rimbursimin derisa të marrë mbrapsht mallin ose dëshmi se ai është dërguar.

4. Përjashtimet nga e drejta e kthimit

Ligji parashikon se disa produkte nuk mund të kthehen, për shembull:

• Produkte të personalizuara sipas kërkesës së konsumatorit.

• Produkte që shpejt prishen ose skadojnë (p.sh. toner).

• Produkte të hapura që lidhen me higjienën/shëndetin (p.sh. parfume, kozmetikë, kufje in-ear).

• Software, CD/DVD të vulosura që janë hapur.

• Shërbime të kryera plotësisht me pëlqimin e konsumatorit para mbarimit të afatit të tërheqjes.

5. Kthimet për produkte me defekt ose jo-konform

• Nëse produkti është defekt ose nuk përputhet me përshkrimin në kontratë, konsumatori ka të drejtë të kërkojë:

  • riparim falas,

  • zëvendësim falas,

  • ose rimbursim të plotë.

• Shpenzimet e transportit në këto raste i mbulon shitësi.